ЯҢАЛЫКЛАР
2017 елның 25 нче апрель көнне Мөслим районы “Мизгел” яшьләр үзәгендә “Фикерем бар” исемле ток-шоу үтте. Чарада укучылар, тәрбия эшләре буенча директор урынбасарлары һәм гаилә белән эшләүче җитәкче-белгечләр катнашты.
Чараның темасы – гражданлык никахы. Укучылар командасы төрле сорауларга җаваплар эзләделәр, үзләренең фикерләрен җиткерделәр. Җәмәгать судьясы Бриллиант Ханнанова, район гражданлык хәле актларын теркәү бүлеге җитәкчесе Диләрә Шакирова, опека һәм попечительлек бүлеге хезмәткәре Чулпан Латыйпова, Татарстан халыклары ассамблеясенең Мөслимдәге вәкиллеге җитәкчесе Рушат Солтанов шулай ук үз фикерләрен җиткерделәр.
2017 елның 25 апреле көнне район делегациясе Мөслим авылында гомер итүче Бәширова Зоя Никитичнаны 95 яшьлек юбилее белән котладылар.
Юбилярга Россия Федерациясе Президенты В.В. Путинның котлау хаты һәм күчтәнәчләр тапшырылды. Җыелган кунаклар Зоя ханымга саулык- сәламәтлек, күңел тынычлыгы, озын гомер теләделәр.
25 апрель көнне Ютазы районы Урыссу бистәсендә Татарстан Республикасы Хөкүмәт Советы депутаты Ирек Салихов инициативасы белән барлыкка килгән Хәйрия фонды тарафыннан матур чара үткәрелде. Бу чарада район ГХАТ бүлеге хезмәткәрләре дә читтә калмадылар. Алар бәйрәмдә катнашып, конкурсларда җиңеп чыгучыларга бүләкләр тапшырдылар.
25 апрельдә Апас районы “Сәләт“ балалар иҗаты үзәгендә район башкарма комитеты җитәкчесе урынбасары Л.Сафина җитәкчелегендә “Язгы мәрхәмәтлелек атналыгы - #ДОБРЫЙТАТАРСТАН #МӘРХӘМӘТЛЕТАТАРСТАН “ акциясенә һәм акция барышына, башкарылган эшләргә нәтиҗә ясалды. Һәр тармак җитәкчесе, белгечләр үз эшләренә хисап тоттылар. Аеруча актив эшләүчеләргә Рәхмәт хатлары тапшырылды. ЗАГС бүлеге коллективы да Рәхмәт хаты иясенә лаек булдылар. Изге эшләр дәвам итә…
2017 елның 25 нче апрель көнне Яр Чаллы шәһәренең Тантаналар сараенда мастер-класс узды. Мастер - класс 75 кеше булдылар. Чыгышны "ТАНАР" Гаилә клиникасының психологик хезмәте җитәкчесе Елена Витальевна Зобнина алып барды. Психолог иреңә, хатыныңа, балаларың, хезмәттәшләреңә, дусларың рәнҗешләр җыймаска, гафу итәргә, үткәннәрнә җибәреп, бүгенче көн белән яшәргә өйрәнергә кирәк дип өндәде. Болар барсы якты киләчәкнең нигезе!
2016 елның 25 апрель көнне ГХАТ идарәсе хезмәткәрләре Яр Чаллы шәһәренең Кама төзелеш көллияте укучылары өчен экскурсия-лекция үткәрделәр.
ГХАТ хезмәткәрләре никакхлашу сараена Алексеевск балалар сәнгате мәктәбе тәрбияләнучеләрен кунакка чакырды. Анда алар дәрес формасында кызыклы әнгәмә корды. Сайт чыгу урыннарыннан төрле биремнәр, табышмаклар, сынамышлар бирелде. Соныннан балаларны тугәрәк өстәлгә чакырып, әйләнә-тирәдәге мэхитне пычрата торган калдыкларнын купме вакыт әчендэ таркалу сәбәпләрен чиштеләр,ачыкладылар.Сабыйлар истәлеккә узләренен ижат жимешлэре белән фотога төштеләр.
2017 елның 25 апрелендә ЗАГС бүлеге һәм район матбугат хезмәткәрләре белән берлектә яңа туган 100 нче балага туу турында таныклык тапшыру тантанасы булып үтте.
Бәхетле әти-әни Светлана Сергеевна һәм Андрей Викторовичка ЗАГС бүлеге начальнигы Гусманова Лилия Саим кызы истәлекле бүләкләр һәм йөзенче номерлы таныклык тапшырды.
“Язгы игелек атнасы” акциясенә кушылып Актаныш муниципаль районы ЗАГС бүлегендә “Яшь гаилә мәктәбе“ дәресләре уткәрелде.
25 апрель көнне Актаныш муниципаль районы ЗАГС бүлегендә янәдән “Яшь гаилә мәктәбе “ дәресләре уткәрелде. Очрашуның кунаклары – Такталачык, Кадет мәктәбенең өлкән сыйныф укучылары булды. Укучылар район ЗАГС бүлегенең эше белән таныштылар.
Ютазы районы ГХАТ бүлеге хезмәткәрләре 50 ел бергә яшәүче Замира Гаппасовна һәм Марс Камилович Галиповлар гаиләсен матур бәйрәмнәре белән тәбрик иттеләр. Алар озак еллар бергә яшәп, балалар үстереп, йорт-җирләрен сокланып туймаслык оҗмаһ почмагына әйләндергән бу матур парга тәбрик сүзләрен җиткерделәр һәм бүләкләр тапшырдылар.