ЗАГСтан сайлауларга: Саба районыннан Зиннәтуллиннар гаиләсе никахлашуны теркәгәннән соң ук тавыш бирде
Илназ Зиннәтуллин һәм Ләйсирә Галәвина өчен бүгенге көн аеруча әһәмиятле - алар ир һәм хатын булдылар. Никахлашуны ГХАТ бүлеге җитәкчесе Гөлнар Шәфыйкова үткәрде. Ул яшь парларга гаиләнең беренче документы - язылышу турында таныклык тапшырды.
Яшь пар өчен беренче тапкыр Мендельсон маршы яңгырады.
Шулай ук Яшь гаиләне Саба муниципаль районы Башлыгы урынбасары Расих Закирҗанов котлады.
Җәмгыятьнең яңа ячейкасы туу - безнең дәүләтебез өчен мөһим вакыйга - Россия Федерациясе Президентын сайлаулар көне белән туры килде.
ЗАГСтан соң яшьләр әти-әниләре, әби-бабайлары, кунаклар белән сайлау участогына керделәр. Ләйсирәнең әби-бабайсы Ринат абый белән Рания апа 50 ел бергә яшиләр.
Яшь парларны тормышларындагы мөһим вакыйга белән котлыйбыз һәм яңа гаиләгә озын һәм бәхетле еллар теләп калабыз!