ЯҢАЛЫКЛАР

Күргәзмә җәй буе август ахырына кадәр эшләячәк. Биредә теләүчеләр никах терки, исем кушу тантанасын һәм гаилә юбилейларын үткәрә ала.

     12 июнь көнне Р.Ш.Фардиев исемендәге ял паркында Зәй муниципаль районы башлыгы Разиф Кәримов 12 яшь Рәсәй гражданнарына паспорт тапшырды. Шәхесне билгеләүче документны алырга балалар әти-әниләре белән килгән иделәр. Бу чара балаларда патриотик хисләр тәрбияләп, шәхесне билгеләүче документның әһәмиятен арттыра.

Иртәдән "Нефтьче"  стадионына  барып  Россия көнен бәйрәм итергә җыенган  күп кенә баулылыларда шик туды: һава торышы аркасында бәйрәм булырмы, юкмы? Иртә таңнан  койган яңгыр туктарга җыенмаган кебек тоелды.  Әмма, бернигә дә карамастан, зонтиклар тотып  бәйрәмгә барган кешеләрне күреп,  һава торышы үзенең кәефен үзгәртергә булды: башта яңгыр туктады, аннары  болытлар артыннан кояш чыкты.

Россия көнендә Татарстан Республикасы Бөгелмә муниципаль районы башкарма комитеты ЗАГС бүлегендә 10 яшь гражданга паспортлар тапшыру тантанасы булып узды. Паспортлар белән бергә егет-кызларга бүләкләр дә бирелде. ЗАГС бүлегеннән исә аларның һәрберсенә Россия Федерациясе Конституциясе тапшырылды. Россиянең яшь гражданнарын әлеге мөһим вакыйга белән ихластан котлыйбыз.