Түбән Кама районының Олы Афанас авылында "Гаилә стартлары"

       2017 елның 16 сентябрендә Афанас авыл җирлеге стадионында "Гаилә стартлары" эстафетасы узды. Чарага спорт белән шөгыльләнүче балалар һәм  ата-аналар чакырылды.

       Командаларга дәртле һәм күңелле бәйгеләрдә катнашырга тәкъдим ителде. Катнашучылар бик теләп кызыклы сорауларга җавап бирделәр, "каршылыклар полосасын" уздылар. Ә җанатарлар һәм тамашачылар катнашучыларга алкышлар белән актив ярдәм күрсәттеләр.

       Эстафета нәтиҗәләре буенча,  командалар бер үк төрле баллар җыйдылар. Барлык бәйрәмдә катнашучылар мактау грамоталары һәм баллы призлар белән бүләкләнделәр.